រាជធានីភ្នំពេញ៖ នៅថ្ងៃសុក្រ ០៦កើត ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៥ ខែមីនា ឆ្នាំ២០២៤ វេលាម៉ោង ០២:០០នាទីសៀល នៅសណ្ឋារគារសាន់ & ម៉ូនរីវើរសាយ, អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានអញ្ជើញចូលរួមក្នុងកម្មវិធីបិទបញ្ចប់គម្រោងគាំទ្រសមាហរណ៍កម្មតំបន់អាស៊ាន-ជំនួយពាក់ព័ន្ធពាណិជ្ជកម្មកម្ពុជា (ARISE Plus Cambodia) ក្រោមអធិបតីភាព លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និង ឯកឧត្តម Igor Driesmans អគ្គរដ្ឋទូតនៃសហភាពអឺរ៉ុប។ កម្មវិធីនេះក៏មានការចូលរួមផងដែរពីសំណាក់តំណាងក្រសួង ស្ថាប័នពាក់ព័ន្ធ, ដៃគូអភិវឌ្ឍន៍, ផ្នែកឯកជន និងតំណាងក្រុមហ៊ុនឯកជនដែលទទួលបានការឧបត្ថមក្រោមគម្រោង (ARISE Plus Cambodia) ផងដែរ។