នៅថ្ងៃព្រហស្បតិ៍ ០៥កើត ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៤ ខែមីនា ឆ្នាំ២០២៤ វេលាម៉ោង ០៨:៣០នាទីព្រឹក នៅសាលាជាតិគយ, ឧកញ៉ា សុខ ពិសិដ្ឋ អនុប្រធានសភាពាណិជ្ជកម្មកម្ពុជា តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាសមាជិកនៃ គ.ជ.ស.ព បានអញ្ជើញចូលរួមក្នុងកិច្ចប្រជុំលើកទី៣ នៃគណៈកម្មាការជាតិកិច្ចសម្រួលពាណិជ្ជកម្ម (គ.ជ.ស.ព) ក្រោមអធិបតីភាព ឯកឧត្តមបណ្ឌិត ជូ វិជិត្ត រដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាការជាតិកិច្ចសម្រួលពាណិជ្ជកម្ម (គ.ជ.ស.ព)។ កិច្ចប្រជុំនេះក៏មានការចូលរួមផងដែរពីសំណាក់តំណាងក្រសួងស្ថាប័នដែលជាសមាជិក គ.ជ.ស.ព, តំណាងដៃគូអភិវឌ្ឍន៍, មន្ត្រីពាក់ព័ន្ធនៃអគ្គនាយកដ្ឋានគយ និងរដ្ឋាករកម្ពុជា និងសមាជិក សមាជិកានៃ គ.ជ.ស.ព ជាច្រើនទៀតផងដែរ។