នៅថ្ងៃចន្ទ ៩រោច ខែមាឍ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៤ ខែមីនា ឆ្នាំ២០២៤ វេលាម៉ោង ០២:៣០នាទីរសៀល នៅសភាពាណិជ្ជកម្មកម្ពុជា, ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា បានទទួលស្វាគមន៍ ឯកឧត្តម Ngo Van Tuat, ទីប្រឹក្សារដ្ឋមន្ត្រី ទទួលបន្ទុក អនុប្រធានបេសកកម្ម នៃ ស្ថានទូតនៃសាធារណរដ្ឋសង្គមនិយមវៀតណាមប្រចាំព្រះរាជាណាចក្រកម្ពុជ និងសហការី ដើម្បីចូលជួបសម្តែងការគួសម និងក្នុងគោលបំណងដើម្បីពង្រីកកិច្ចសហប្រតិបត្តិការ លើវិស័យធុរកិច្ច និងវិនិយោគ នានា រវាងធុរជន និងវិនិយោគិនប្រទេសទាំងពីរ។ ជាពិសេស ដើម្បីរក្សានូវការទំនាក់ទំនង និងចែករំលែកព័ត៌មានពាណិជ្ជកម្ម, វិនិយោគ និងបរិយាកាសធុរកិច្ចទាំងពីរ នាពេលអនាគតដ៏ខ្លី។