(ទីក្រុងដូបៃ, ប្រទេសអេមីរ៉ាតអារ៉ាប) នៅរសៀលថ្ងៃពុធ ៤ រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៨ ខែកុម្ភៈ ឆ្នាំ២០២៤ ឯកឧត្តម បណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា តំណាងដ៏ខ្ពង់ខ្ពស់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា បានដឹកនាំគណៈប្រតិភូសភាពាណិជ្ជកម្មកម្ពុជា ទៅទស្សនៈកិច្ចកំពង់ផែ Jebel Ali Port Dubai តបតាមការអញ្ជើញរបស់ថ្នាក់ដឹកនាំកំពង់ផែ។

ដំណើរទស្សនៈកិច្ចនេះធ្វើឡើងក្នុងគោលបំណងសិក្សាស្វែងយល់អំពីគ្នាទៅវិញទៅមក និងផ្លាស់ប្តូរយោបល់គ្នាដើម្បីបង្កើតកិច្ចសហប្រតិបត្តិការជាមួយគ្នានាពេលអនាគត។