———

នៅព្រឹកថ្ងៃចន្ទ ០១រោច ខែពិសាខ ឆ្នាំម្សាញ់ សប្តិស័ក ព.ស ២៥៦៨ ត្រូវនឹងថ្ងៃទី១២ ខែឧសភា ឆ្នាំ២០២៥ វេលាម៉ោង ០៩:០០នាទី នៅសណ្ឋារគារ Sea Breeze Hotel & Villa ខេត្តព្រះសីហនុ, ឧកញ៉ាបណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា និងជាអនុសហប្រធានក្រុមការងារ "ក" "ផ្នែកកសិកម្ម និងកសិឧស្សាហកម្ម" ផ្នែកឯកជន តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារទាំង១៦​ ផ្នែកឯកជន រួមនឹងសមាជិកពាក់ព័ន្ធនៃសភាពាណិជ្ជកម្មកម្ពុជា និងតំណាងសភាពាណិជ្ជកម្មខេត្តក្រុង បានអញ្ជើញចូលរួមក្នុងកិច្ចប្រជុំផ្សព្វផ្សាយ "កម្មវិធីពិសេសជំរុញការវិវិយោគក្នុងខេត្តព្រះសីហនុ ឆ្នាំ២០២៤ សម្រាប់សហគ្រាសក្នុងវិស័យកសិកម្ម" ដែលដឹកនាំដោយ ឯកឧត្តម អ៊ឹម សុខធី ប្រធានលេខាធិការដ្ឋាននៃក្រុមការងារជំរុញការវិវិយោគក្នុងខេត្តព្រះសីហនុ និងវត្តមាន លោក ឡុង ឌីម៉ង អភិបាលរង នៃគណៈអភិបាលខេត្តព្រះសីហនុ តំណាង ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ។ ពិធីនេះក៏មានការចូលរួមផងដែរពីសំណាក់តំណាងមន្ទីរពាក់ព័ន្ធ និងអង្គភាពថ្នាក់ក្រោមជាតិ, តំណាងសហគ្រាសក្នុងវិស័យកសិកម្ម, តំណាងសហគមន៌កសិកម្ម, រួមនិងអ្នកពាក់ព័ន្ធមួយចំនួនទៀតផងដែរ។

រាជរដ្ឋាភិបាលបានសម្រេចយល់ព្រមឱ្យបន្តអនុវត្ត "កម្មវិធីពិសេសជំរុញការវិវិយោគក្នុងខេត្តព្រះសីហនុ ឆ្នាំ២០២៤ សម្រាប់សហគ្រាសក្នុងវិស័យកសិកម្ម" រហូតដំណាច់ឆ្នាំ២០២៥ ដោយរក្សានូវវិធានការទាំងឡាយដែលមានស្រាប់ ដើម្បីជំរុញការអភិវឌ្ឍន៍ខេត្តព្រះសីហនុ និងដើម្បីឆ្លើយតបទៅនឹងគោលបំណងរបស់រដ្ឋាភិបាល។ ជាមួយនឹងការបន្តកម្មវិធីពិសេសនេះ ក្រុមការងារត្រូវបន្តអនុវត្តភារកចិ្ចឱ្យទទួលបានលទ្ធផលល្អប្រសើរ ដោយត្រូវបន្តប្រកាន់ភ្ជាប់ការគ្រប់គ្រងមន្ត្រីដែលទទួលខុសត្រូវ និងមានគុណវុឌ្ឍិក្នុងការគ្រប់គ្រងដឹកនាំការអនុវត្តការងារជាប្រចាំ ដើម្បីធានាប្រសិទ្ធិភាព និងភាពម្ចាស់ការ ព្រមទាំងទាក់ទាញការវិនិយោគសក្តានុពលសំខាន់ៗក្នុងខេត្តព្រះសីហនុ។

កិច្ចប្រជុំនេះបានបញ្ចប់នៅថ្ងៃ ខែ ឆ្នាំដដែល នៅវេលាម៉ោង ១២:០០នាទីថ្ងៃត្រង់ ក្រោមបរិយាកាសយោគយល់គ្នា និងលទ្ធផលជាផ្លែផ្កា។

————

ព័ត៌មានបន្ថែម សូមទំនាក់ទំនងមកតាមរយៈ [email protected]

#gpsfcambodia #pswg #gpswg #cambodiachamberofcommerce #សភាពាណិជ្ជកម្មកម្ពុជា #ccc