កិច្ចប្រជុំក្រុមការងារ ក្រុម "ញ” "ផ្នែកថាមពល និងធនធានរ៉ែ" នៃវេទិការាជរដ្ឋាភិបាល-ផ្នែកឯកជន ដើម្បីដោះស្រាយបញ្ហាបន្តក្នុងវិស័យប្រេងកាត និងឧស្ម័ន

Dialogue working group meeting, group "J" "Mine and Energy" of the Government-Private Sector Forum in the Petroleum and Gas sector.

———

នៅព្រឹកថ្ងៃពុធ ១១កើត ខែពិសាខ ឆ្នាំម្សាញ់ សប្តស័ក ព.ស ២៥៦៨ ត្រូវនឹងថ្ងៃទី០៧ ខែឧសភា ឆ្នាំ២០២៥ វេលាម៉ោង ០៩:០០នាទី នៅសាលប្រជុំនៃអគ្គនាយកដ្ឋានប្រេងកាតនៃក្រសួងរ៉ែ និងថាមពល មានរៀបចំកិច្ចប្រជុំក្រុមការងារ ក្រុម "ញ” "ផ្នែកថាមពល និងធនធានរ៉ែ" នៃវេទិការាជរដ្ឋាភិបាល-ផ្នែកឯកជន ដើម្បីដោះស្រាយបញ្ហាបន្តក្នុងវិស័យប្រេងកាត និងឧស្ម័ន ដែលដឹកនាំដោយតំណាងសហប្រធានក្រុមការងារទាំងពីរគឺ ឯកឧត្តម ជៀប សួរ រដ្ឋលេខាធិការទទួលបន្ទុកសម្របសម្រួលចង្កោមវិស័យប្រេងកាត តំណាង ឯកឧត្តម កែវ​ រតនៈ រដ្ឋមន្ត្រីក្រសួងរ៉ែ និងថាមពល និងជាំ សហប្រធានក្រុមការងារ "ញ" តំណាងផ្នែករដ្ឋាភិបាល និង ឧកញ៉ាបណ្ឌិត ស៊ិន ចន្ធី សមាជិកទីប្រឹក្សាសភាពាណិជ្ជកម្មកម្ពុជា តំណាង ឧកញ៉ា អ៊ុន យុទ្ធី សហប្រធានក្រុមការងារ "ញ" តំណាងផ្នែកឯកជន។ កិច្ចប្រជុំនេះក៏មានការចូលរួមផងដែរពីសំណាក់តំណាងក្រសួងស្ថាប័ន្ថពាក់ព័ន្ធដៃលជាសមាជិក សមាជិកានៃក្រុមការងារ "ញ" តំណាងផ្នែករដ្ឋាភិបាល និងតំណាងផ្នែកឯកជនដែលជាសមាជិក សមាជិកានៃក្រុមការងារ "ញ" នៅក្នុងវិស័យប្រេងកាត និងឧស្ម័នជាច្រើនទៀតផងដែរ។