សិក្ខាសាលាផ្ទៀងផ្ទាត់លើការរៀបចំសំណើរគម្រោងពេញលេញស្តីពី​ "ការគ្រប់គ្រងសំណល់បរិក្ខាអគ្គិសនី និងអេឡិចត្រូនិចនៅកម្ពុជា"

Validation Workshop of Project Preparation Grant on "Electronic Waste Management in Cambodia" in Global Electronic Management (GEM).

———

នៅព្រឹកថ្ងៃសុក្រ ១៤កើត ខែចេត្រ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១១ ខែមេសា ឆ្នាំ២០២៥ វេលាម៉ោង ០៩:០០នាទី នៅសណ្ឋារគារហ៊ីម៉ាវ៉ារីភ្នំពេញ, លោក ឡោ ចន សមាជិកសភាពាណិជ្ជកម្មកម្ពុជា និងជាសមាជិកនៃក្រុមការងារ "ញ" "ផ្នែកថាមពល និងធនធានរ៉ែ" ផ្នែកឯកជន នៃវេទិការាជរដ្ឋាភិបាល-ផ្នែកឯកជន តំណាង ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និង រួមនឹង លោក កែវ វាសនា​ ប្រធាននាយកដ្ឋានអភិវឌ្ឍន៍ និងសហប្រតិបត្តិការ និងជាលេខាធិការដ្ឋានក្រុមការងារផ្នែកឯកជននៃសភាពាណិជ្ជកម្មកម្ពុជា បានអញ្ជើញចូលរួមក្នុងសិក្ខាសាលាផ្ទៀងផ្ទាត់លើការរៀបចំសំណើរគម្រោងពេញលេញស្តីពី​ "ការគ្រប់គ្រងសំណល់បរិក្ខាអគ្គិសនី និងអេឡិចត្រូនិចនៅកម្ពុជា" ដែលត្រូវបានរៀបចំឡើងដោយមានការសហការគ្នារវាងក្រសួងបរិស្ថាន និងកម្មវិធីអភិវឌ្ឍន៍សហប្រជាជាតិប្រចាំនៅកម្ពុជា (UNDP Cambodia) ក្រោមអធីបតីភាព ឯកឧត្តម ជួប ប៉ារីស៍ រដ្ឋលេខាធិការក្រសួងបរិស្ថាន និង លោក Alissar Chaker តំណាងកម្មវិធីអភិវឌ្ឍន៍សហប្រជាជាតិប្រចាំនៅកម្ពុជា (UNDP Cambodia)។ សិក្ខាសាលានេះក៏មានការចូលរួមផងដែរពីសំណាក់ក្រសួង ស្ថាប័នពាក់ព័ន្ធរាជរដ្ឋាភិបាល, តំណាងដៃគូអភិវឌ្ឍន៍, សមាគមឯកជន និងអ្នកពាក់ព័ន្ធមួយចំនួនទៀតផងដែរ។