———

នៅថ្ងៃព្រហស្បតិ៍ ០៥រោច ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៩ ខែកុម្ភៈ ឆ្នាំ២០២៤ វេលាម៉ោង ០៨:៣០នាទីព្រឹក នៅមជ្ឈមណ្ឌលដឺព្រេមៀ សេនធឺ សែនសុខ ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានអញ្ជើញចូលរួមក្នុងកិច្ចប្រជុំប្រចាំឆ្នាំរបស់សមាគមអ្នកចិញ្ចឹមសត្វកម្ពុជា និងសិក្ខាសាលាស្តីពីឧត្តមភាពនៃវិស័យចិញ្ចឹមសត្វនៅកម្ពុជា ក្រោមអធិបតីភាព ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។ កិច្ចប្រជុំនេះក៏មានការចូលរួមផងដែរពីសំណាក់មន្ត្រីពាក់ព័ន្ធនៃក្រសួងកសិកម្ម រុក្ខាប្រមាញ់ និងនេសាទ, តំណាងក្រុមហ៊ុនរោងចក្រផលិតចំណីសត្វ, តំណាងក្រុមហ៊ុនផ្គត់ផ្គង់ចំណីសត្វ, ក្រុមហ៊ុន ផ្គត់ផ្គង់ថ្នាំសត្វ, តំណាងស្ថាប័នផ្នែកអប់រំវិទ្យាសាស្ត្រសត្វ, ដៃគូអភិវឌ្ឍន៍, សិស្ស និស្សិត និងអ្នកពាក់ព័ន្ធសរុបប្រមាណ ៧០០នាក់។

លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជាបនាលើកឡើងថា កិច្ចប្រជុំនេះមានគោលបំណងដើម្បីផ្សព្វផ្សាយនូវព័ត៌មានថ្មីក្នុងវិស័យចិញ្ចឹមសត្វ បច្ចេកវិទ្យាចុងក្រោយ និងសុវត្ថិភាពចំណីអាហារផងដែរ។