កិច្ចប្រជុំភាពជាដៃគូ ក្រុមការងារ «ត» ផ្នែករដ្ឋបាលដែនដី សន្តិសុខ និងសណ្តាប់ធ្នាប់សាធារណៈ នៃវេទិការាជរដ្ឋាភិបាល-ផ្នែកឯកជន

Dialogue partnership meeting of the Working group “P” “Territorial Administration, Security and Public Order" of G-PSF.

————

ថ្ងៃចន្ទ ទី១០ ខែមិនា ឆ្នាំ២០២៥ មានរៀបចំកិច្ចប្រជុំក្រុមការងារ «ត» ផ្នែករដ្ឋបាលដែនដី សន្តិសុខ និងសណ្តាប់ធ្នាប់សាធារណៈ នៃវេទិការាជរដ្ឋាភិបាល-ផ្នែកឯកជន សហការរៀបចំរវាងក្រុមការងារលេខាធិការដ្ឋានសម្របសម្រួលក្រុមារងារទាំងពីរ សភាពាណិជ្ជកម្មកម្ពុជា និងក្រសួងមហាផ្ទៃ នៅទីស្តីការក្រសួងមហាផ្ទៃ។ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់វេទិការាជរដ្ឋាភិបាល-ផ្នែកឯកជន (គ.ស.ឯ.រ.ជ) និងជា សហប្រធានក្រុមការងារ «ត» ផ្នែករដ្ឋបាលដែនដី សន្តិសុខ និងសណ្តាប់ធ្នាប់សាធារណៈ តំណាងផ្នែកឯកជន នឹងដឹកនាំ អនុប្រធាន សមាជិកសមាជិកា នៃក្រុមការងារ «ត» (តាមសេចក្តីសម្រេចលេខ៩៧សសរ) និងក្រុមការងារចំពោះកិច្ចផ្នែកឯកជន, ជាពិសេស មានការចូលរួម ពីតំណាងសមាគមធុរកិច្ចជាតិ-អន្តរជាតិ និងក្រុមហ៊ុនឯកជនជាច្រើន អញ្ជើញចូលរួមក្នុងកិច្ចប្រជុំសំណេះ សំណាលភាពជាដៃគូក្រុមការងារ «ត» នៃវេទិការាជរដ្ឋាភិបាល-ផ្នែកឯកជន។ ក្នុងកិច្ចប្រជុំភាពជាដៃគូនេះ មានវត្តមានដ៏ខ្ពង់ខ្ពស់ របស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ និងជាសហប្រធានក្រុមការងារ «ត» តំណាងផ្នែករដ្ឋាភិបាល ជាពិសេសក៏មានការអញ្ជើញចូលរួមពីអនុប្រធាន និងសមាជិកសមាជិកានៃក្រុមការងារ (តាមសេចក្តីសម្រេចលេខ ៩៦ សសរ)។ កិច្ចប្រជុំនេះផងដែរនឹងមានការចូលរួមពីសំណាក់សមាជិក សមាជិកា សភាពាណិជ្ជកម្មកម្ពុជា និងសមាជិកក្រុមការងារ «ត» ផ្នែកឯកជន ព្រមទាំងថ្នាក់ ដឹកនាំ សំខាន់ៗ ពីស្ថាប័នរដ្ឋ ពាក់ព័ន្ធសំខាន់ៗ និង តំណាងឯកជន ពីសមាគម ក្រុមហ៊ុន សមាគមជាតិ និងអន្តរជាតិជាច្រើនផងដែរ។ ១១១