កិច្ចប្រជុំក្រុមការងារផ្នែកឯកជន ក្រុម "ក" "ផ្នែកកសិកម្ម និងកសិ-ឧស្សាហកម្ម" វេទិការាជរដ្ឋាភិបាល-ផ្នែកឯកជន
14 Jan, 2025 10:54 AM | 6 days ago
.jpg)
កិច្ចប្រជុំក្រុមការងារផ្នែកឯកជន ក្រុម "ក" "ផ្នែកកសិកម្ម និងកសិ-ឧស្សាហកម្ម" វេទិការាជរដ្ឋាភិបាល-ផ្នែកឯកជន
Private sector working group meeting, group "A" "Agriculture and Agro-Industry" of the Government-Private Sector Forum.
———
នៅរសៀលថ្ងៃអង្គារ ០១រោច ខែបុស្ស ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៤ ខែមករា ឆ្នាំ២០២៥ វេលាម៉ោង ០២:០០នាទី នៅអគ្គនាយកដ្ឋានសភាពាណិជ្ជកម្មកម្ពុជា មានរៀបចំកិច្ចប្រជុំក្រុមការងារផ្នែកឯកជន ក្រុម "ក" "ផ្នែកកសិកម្ម និងកសិ-ឧស្សាហកម្ម" វេទិការាជរដ្ឋាភិបាល-ផ្នែកឯកជន ដែលដឹកនាំដោយ ឧកញ៉ា ម៉ុង រិទ្ធថា សហប្រធានក្រុមការងារ "ក" ផ្នែកឯកជន។ កិច្ចប្រជុំនេះក៏មានការចូលរួមផងដែរពីសំណាក់ ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និងវត្តមាន ឧកញ៉ា ណាង សុធី អគ្គលេខខាធិការសភាពាណិជ្ជ្ម្មកម្មកម្ពុជា និងជាអនុប្រធានក្រុមការងារជំរុញវិស័យវារីវប្បកម្មផ្នែកឯកជន និងតំណាងសមាគមអ្នកអភិវឌ្ឍន៍កៅស៊ូនៅកម្ពុជា, តំណាងសមាគមអ្នកចិញ្ចឹមសត្វកម្ពុជា, តំណាងសមាគមវារីវប្បកម្មកម្ពុជា, តំណាងក្រុមហ៊ុនឯកជនក្នុងវិស័យកសិកម្ម និងកសិ-ឧស្សាហកម្ម និងសមាជិក សមាជិកានៃក្រុមការងារផ្នែកឯកជនមួយចំនួនទៀតផងដែរ។
កិច្ចប្រជុំនេះមានគោលបំណងដើម្បីពិគ្រោះ ពិនិត្យ ពិភាក្សា និងលើកឡើងនូវបញ្ហាប្រឈម ដែលជាកង្វល់របស់ផ្នែកឯកជនក្នុងវិស័យកសិកម្ម និងកសិ-ឧស្សាហកម្ម ដើម្បីដាក់ស្នើសុំដំណោះស្រាយពីសំណាក់ដៃគូ គឺក្រសួងកសិកម្ម រុក្ខាប្រមាញ់ និងនេសាទ នាពេលខាងមុខនេះ។ គួរបញ្ជាក់ថា កិច្ចប្រជុំក្រុមការងារផ្នែកឯកជននេះ គឺជាលើកដំបូងនៃដើមឆ្នាំ២០២៥ នេះផងដែរ។
ជាលទ្ធផលកិច្ចប្រជុំបានទទួលយកនូវបញ្ហាប្រឈម និងសំណូមពរពាក់ព័ន្ធនឹងវិស័យកសិកម្ម និងកសិ-ឧស្សាហកម្ម ពីសមាជិករួមមាន៖ ១. ការស្នើសុំវិញ្ញាបនបត្រ័បញ្ជាក់ដើមកំណើតទំនិញ និងអនាម័យ ភូតគាមអនាម័យ ២. បញ្ហាប្រឈមក្នុងវិស័យដំឡូងមី, ៣. ទិន្នន័យផ្លូវការពាក់ព័ន្ធនឹងវិស័យកសិកម្ម រួមនឹងបញ្ហាប្រឈម និងសំណូមពរមួយចំនួនទៀតផងដែរ។
កិច្ចប្រជុំនេះបានបញ្ចប់នៅថ្ងៃខែឆ្នាំដដែល វេលាម៉ោង ០៤:១៥នាទីថ្ងៃល្ងាច ក្នុងបរិយាកាសរីករាយ និងយោគយល់គ្នា។
————
ព័ត៌មានបន្ថែម សូមទំនាក់ទំនងមកតាមរយៈ [email protected]
