កិច្ចប្រជុំពិភាក្សាពិនិត្យរបាយការណ៍ នៃក្រុមការងារ “ឌ” “ផ្នែកសំណង់ និងអចនទ្រព្យ” រវាងក្រុមលេខាធិការដ្ឋានសម្របសម្រួលទាំងពីរ

Meeting on reviewing of the 13th Working group “Construction and Real Estates” between both Secretariat coordination.

———

នារសៀលថ្ងៃអង្គារ ៩រោច ខែមិគរសិ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៤ ខែធ្នូ ឆ្នាំ២០២៤ វេលាម៉ោង ២:៣០នាទី នៅទីស្តីការក្រសួង ដនស, ឧកញ៉ា បណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា និងជាសហប្រធានក្រុមការងារ “ឌ” ផ្នែកឯកជន ព្រមទាំង ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា បានដឹកនាំលេខាធិការដ្ឋានសម្របសម្រួលក្រុមការងារផ្នែកឯកជន ចូលប្រជុំពិភាក្សាពិនិត្យលើរបាយការណ៍ក្រុមការងារ “ឌ” ជាមួយ ឯកឧត្តម ផារ៉ា មង្គល រដ្ឋលេខាធិការក្រសួងរៀបចំដែនដី នគរូបនិយកម្ម និងសំណង់ តំណាង ដ៏ខ្ពង់ខ្ពស់ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួង ដនស ព្រមទាំង អនុរដ្ឋលេខាធិការ និងសមាសភាពក្រុមការងារលេខាធិការដ្ឋាន របស់ ក្រសួង ដនស ទើបបង្កើតថ្មី នឹងវត្តមាន សមាជិកសមាជិកពាក់ព័ន្ធផ្សេងទៀតផងដែរ។