(រាជធានីដូបៃ, ប្រទេសអេមីរ៉ាតអារ៉ាប់រួម) នាព្រឹកថ្ងៃចន្ទ ២ រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៦ ខែកុម្ភៈ ឆ្នាំ២០២៤ ឯកឧត្តម បណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា តំណាងដ៏ខ្ពង់ខ្ពស់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានដឹកនាំគណៈប្រតិភូសភាពាណិជ្ជកម្មកម្ពុជា ធ្វើទស្សនៈកិច្ចនៅក្រុមហ៊ុន ONEROAD GROUP តបតាមការអញ្ជើញរបស់ក្រុមហ៊ុនផ្ទាល់ ដែលមានទីតាំងនៅរាជធានីដូបៃ ប្រទេសអេមីរ៉ាតអារ៉ាប់រួម។

ទស្សនៈកិច្ចនេះមានគោលបំណងណែនាំស្ថាប័នទាំងពីរឲ្យកាន់តែស្គាល់គ្នាសុីជម្រៅបន្ថែមទៀត ក៏ដូចជាណែនាំក្រុមហ៊ុន សមាជិក សមាជិកា សភាពាណិជ្ចកម្មកម្ពុជាទៅកាន់ក្រុមហ៊ុន ONEROAD GROUP ផងដែរក្នុងគោលបំណងពង្រីក និងពង្រីងទំនាក់ទំនងទ្វេភាគីជាមួយគ្នាអោយកាន់តែស្និតស្នាលបន្ថែមទៀត។ ក្នុងជំនួបនេះផងដែរ ឯកឧត្តម បណ្ឌិត អនុប្រធាន ក៏បានអញ្ជើញភាគីក្រុមហ៊ុននៅរាជធានីដូបៃ ទៅទស្សនៈកិច្ចនៅប្រទេសកម្ពុជាដើម្បីបានស្វែងយល់កាន់តែសុីជម្រៅតទៅទៀត ងាយស្រួលក្នុងការពង្រីកអាជីវកម្មរបស់ខ្លួនងនៅកម្ពុជាជាច្រើនវិស័យបន្ថែមទៀតផងដែរ។