វេទិការដ្ឋ-ឯកជនលើកទី៥ ស្តីពី "ការអភិវឌ្ឍន៍នគរូបនីយកម្មកម្ពុជា-ជប៉ុន" ក្រោមប្រធានបទ "ទីក្រុងឆ្លាតប្រកបដោយសុខដុមរមនា"

Cambodia-Japan The 5th Publish-Private Platform for Urban Development under the theme of "Smart, Harmonious City"

———

នៅព្រឹកថ្ងៃច័ន្ទ ១រោច ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៦ ខែធ្នូ ឆ្នាំ២០២៤ វេលាម៉ោង ៨:៣០នាទី នៅទីស្តីការក្រសួងរៀបចំដែនដី នគរូបនីយកម្ម​ និងសំណង់, ឧកញ៉ាបណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា និងជាសហប្រធានក្រុមការងារ "ឌ" "ផ្នែកសំណង់ និងអចលនទ្រព្យ" ផ្នែកឯកជន តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង១៦ ផ្នែកឯកជន បានដឹកនាំសមាជិកសភាពាណិជ្ជកម្មកម្ពុជា ចូលរួ​មធ្វើបទបង្ហាញ ក្នុង វេទិការដ្ឋ-ឯកជនលើកទី៥ ស្តីពី "ការអភិវឌ្ឍន៍នគរូបនីយកម្មកម្ពុជា-ជប៉ុន" ក្រោមប្រធានបទ "ទីក្រុងឆ្លាតប្រកបដោយសុខដុមរមនា" ក្រោមអធីបតីភាព ឯកឧត្តម ឡៅ ទិព្វសីហា រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ តំណាង ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងវត្តមាន​ ឯកឧត្តម AMAKAWA Hirofumi អនុរដ្ឋមន្ត្រីក្រសួងដីធ្លី ហេដ្ឋរចនាសម្ព័ន្ធ និងដឹកជញ្ជូននៃប្រទេសជប៉ុន។ ពិធីនេះក៏មានការចូលរួមផងដែរពីសំណាក់គណៈប្រតិភូនៃក្រសួងដីធ្លី ហេដ្ឋរចនាសម្ព័ន្ធ និងដឹកជញ្ជូននៃប្រទេសជប៉ុន, មន្ត្រីពាក់ព័ន្ធនៃក្រសួងរៀបចំដែនដី នគរូបនីយកម្ម និងសំណង់, តំណាងក្រុមហ៊ុនវិនិយោគ និងពាណិជ្ជកម្មមកពីប្រទេសជប៉ុន, តំណាងក្រុមហ៊ុនវិនិយោគ និងពាណិជ្ជកម្មកម្ពុជា, តំណាងសមាគមផ្នែកឯកជន និងអ្នកពាក់ព័ន្ធផ្សេងទៀតសរុបប្រមាណ ៦០០នាក់ផងដែរ។