ពិធីបើកសម្ភោធដាក់ឲ្យដំណើរការផ្លូវការ មន្ទីរពិសោធន៍ជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ ជាគ្រឺះស្ថានសាធារណៈរដ្ឋបាល

The Official Inauguration Ceremony of The National Laboratory For Science, Technology and Innovation As Public Administrative Institution

———

នាព្រឹកថ្ងៃព្រហស្បតិ៍ ១២កើត ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១២ ខែធ្នូ ឆ្នាំ២០២៤ វេលាម៉ោង ៨:៣០នាទីព្រឹក នៅមន្ទីរពិសោធន៍ជាតិ វិទ្យាសាស្រ្ត បចេ្ចកវិទ្យា និងនវានុវត្តន៍, ឧកញ៉ា តែ តាំងប៉ អនុប្រធានសភាពាណិជ្ជកម្មកម្ពុជា និងជាសហប្រធានក្រុមការងារ "គ" ផ្នែកឯកជន តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង១៦ ផ្នែកឯកជន បានដឹកនាំសមាជិកសភាពាណិជ្ជកម្មកម្ពុជាមួយចំនួន អញ្ជើញចូលរួមក្នុង ពិធីបើកសម្ភោធដាក់ឲ្យដំណើរការផ្លូវការ មន្ទីរពិសោធន៍ជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ ជាគ្រឺះស្ថានសាធារណៈរដ្ឋបាល និងការចូលទស្សនាមន្ទីរពិសោធន៍ជាតិ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។ នៅក្នុងពិធីបើកសម្ភោធដាក់ឲ្យដំណើរការផ្លូវការនេះក៏មានការចូលរួមផងដែរពីសំណាក់ ក្រសួងស្ថាប័នពាក់ព័ន្ធនៃរាជរដ្ឋាភិបាល, មន្ត្រីពាក់ព័ន្ធនៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍, តំណាងសមាគម និងក្រុមហ៊ុនពីវិស័យឯកជន, និងអ្នកពាក់ព័ន្ធជាច្រើនទៀតផងដែរ។