សន្និបាតប្រចាំឆ្នាំរបស់សមាគមអ្នកសាងសង់កម្ពុជាលើកទី១៤ និងពិធីតាំងពិព័ណ៌ឧស្សាហកម្មសំណង់កម្ពុជា-អន្តរជាតិ ឆ្នាំ២០២៤

The 14th Annual Convention of the Cambodian Builders Association and the Cambodian-International Construction Industry Expo in 2024.

———

នៅថ្ងៃព្រហស្បតិ៍ ៥កើត ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី០៥ ខែធ្នូ ឆ្នាំ២០២៤ នៅជម្ឈមណ្ឌលសន្និបាត និងពិព័រណ៍កោះពេជ្រ, ឧកញ៉ាបណ្ឌិត តាន់ មុនីវណ្ណ សហប្រធានក្រុមការងារ "ឌ" "ផ្នែកសំណង់ និងអចលនទ្រព្យ" ផ្នែកឯកជន នៃវេទិការាជរដ្ឋាភិបាល-ផ្នែកឯកជន តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង ១៦ ផ្នែកឯកជន បានអញ្ជើញចូលរួមក្នុងសន្និបាតប្រចាំឆ្នាំរបស់សមាគមអ្នកសាងសង់កម្ពុជា និងពិធីតាំងពិព័ណ៌ឧស្សាហកម្មសំណង់ ក្រោមអធីបតីភាព ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់។ ពិធីនេះក៏មានការចូលរួមផងដែរពីសំណាក់មន្ត្រីពាក់ព័ន្ធនៃក្រសួងរៀបចំដែនដី នគរូបនីយកម្ម និងសំណង់, តំណាងក្រសួងពាណិជ្ជកម្ម, តំណាងក្រសួងការងារ និងបណ្តុះបណ្តាលវិជ្ជាជីវៈ, សមាគមអភិវឌ្ឍន៍លំនៅឋាន តំណាងសមាគម និងអ្នកពាក់ព័ន្ធជាច្រើនទៀតផងដែរ។