វេទិកាបញ្ញាសិប្បនិម្មិតកម្ពុជា ឆ្នាំ២០២៤”

Cambodia Artificial Inteligence (AI) Forum 2024.

———

នៅព្រឹកថ្ងៃច័ន្ទ ១០រោច ខែកត្តិក ឆ្នាំរោង ឆស័ក ព.ស ២៥៦៨ ថ្ងៃទី២៥ ខែវិច្ឆិកា ឆ្នាំ២០២៤ ចាប់ពីម៉ោង ៩:០០នាទីព្រឹក នៅ សណ្ឋាគារ ហៃយ៉ាត់ រីជិនស៊ី ភ្នំពេញ។ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុម ការងារទាំង១៦ផ្នែកឯកជន និងជាសហប្រធានក្រុមការងារ “ណ” “ផ្នែកសេដ្ឋកិច្ច សង្គមឌីជីថល និង ទូរគមនាគមន៍” តំណាងផ្នែកឯកជន នឹងដឹកនាំ អនុប្រធាន សមាជិកសមាជិកា នៃក្រុមការងារ “ណ” និងក្រុមការងារចំពោះកិច្ចផ្នែកឯកជន, ជាពិសេស មានការចូលរួម ពីតំណាងក្រុមហ៊ុនផ្តល់សេវាអ៊ុន ធឺណែតធំៗនៅកម្ពុជា និងតំណាងសមាគមក្នុងវិស័យនេះ ជាច្រើន អញ្ជើញចូលរួមក្នុង “វេទិកា បញ្ញាសិប្បនិម្មិតកម្ពុជា ឆ្នាំ២០២៤” ក្រោមប្រធានបទ “ស្វែងយល់អំពីនវានុវត្តន៍បច្ចេកវិទ្យាបញ្ញា សិប្បនិម្មិត និងកាលានុវត្តភាពសម្រាប់កម្ពុជានាពេលអនាគត” ក្រោមអធិបតីភាពដ៏ខ្ពង់ខ្ពស់ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងជាសហប្រធានក្រុមការងារ “ណ” តំណាងផ្នែករដ្ឋាភិបាល ជាពិសេសក៏មានការអញ្ជើញចូលរួមពីអនុប្រធាន និងសមាជិកសមាជិកា ពីតំណាងក្រសួង-ស្ថាប័ននានា។ វេទិកានេះផងដែរនឹងមានការចូលរួមពីសំណាក់សមាជិក សមាជិកា សភាពាណិជ្ជកម្មកម្ពុជា និងសមាជិកក្រុមការងារ “ណ” ផ្នែកឯកជន ព្រមទាំងថ្នាក់ដឹកនាំសំខាន់ៗ ពីស្ថាប័នរដ្ឋ និងឯកជន តំណាងក្រុមហ៊ុន សមាគមជាតិ និងអន្តរជាតិជាច្រើន ដោយមានការចូល រួមពីវាគ្មិនជាតិនិងអន្តរជាតិធ្វើបទបង្ហាញនិងកិច្ចពិភាក្សាផងដែរ។