ក្នុងគោបំណង រាយការណ៍អំពីសកម្មភាព "ក្នុងរយៈពេលមួយថ្ងៃកន្លះកន្លងទៅនេះ អង្គសន្និបាតបានធ្វើការវាយតម្លៃ និងពិភាក្សាលើការងារ ១ ឆ្នាំ ៣ ខែ កន្លងទៅលើវិស័យជាច្រើន។ ក្នុងនោះ ក្នុងឆ្នាំ២០២៣និងឆ្នាំ២០២៤ ក្រសួងបានយកចិត្តទុកដាក់យ៉ាងសំខាន់ក្នុងការសម្រួលបរិស្ថានធុរកិច្ច កាត់បន្ថយការិយាធិបតេយ្យ និងកាត់បន្ថយបន្ទុកចំណាយ។ ពាក់ព័ន្ធការគ្រប់គ្រងនិងអភិវឌ្ឍវិស័យរ៉ែ ក្រសួង បានសម្រួចលើអភិក្រមជាក់លាក់ចំនួន ៣គឺ ចំណូល បរិស្ថាន និងសុវត្ថិភាពសុខុមាលភាព រីឯការងារជាអាទិភាព ពាក់ព័ន្ធវិស័យប្រេងកាត គឺការបន្តស្វែងរកដំណោះស្រាយការអភិវឌ្ឍប្រេងកាតនៅតំបន់ទាមទារដែនសមុទ្រ ត្រួតគ្នាកម្ពុជា-ថៃ ការជំរុញដាក់ឱ្យដំណើការផលិតកម្មគម្រោងប្រេងកាតប្លុកAឡើងវិញ ការធានាឱ្យមានការផ្គត់ ផ្គង់ផលិតផលប្រេងកាត(ប្រេង និងឧស្ម័នឥន្ធនៈ) ឱ្យបានគ្រប់គ្រាន់តាមតម្រូវការ និងការពង្រឹងសុវត្ថិភាពលើ ការដឹកជញ្ជូន សន្និធិ និងចែកចាយប្រេងនិងឧស្ម័នឥន្ធនៈ។ ចំពោះវិស័យថាមពល ជាមួយនឹងការដាក់គោលដៅ នៃការគ្រប់គ្រងនិងអភិវឌ្ឍវិស័យថាមពលដើម្បីជំរុញកំណើនសេដ្ឋកិច្ចនិងការអភិវឌ្ឍសង្គម ក្រសួងបានកំណត់ អភិក្រម៤គឺ ស្អាត ថ្លៃសមរម្យ ស្ថិរភាព និងសមធម៌ សម្រាប់ជាវិធីសាស្ត្រនៃការអភិវឌ្ឍបន្តទៀតដើម្បីឱ្យស្រប តាមនិន្នាការសកលថ្មី"។

ឯកឧត្តមរដ្ឋមន្ត្រីក្រសួងរ៉ែ និងថាមពលបានបន្តថា "ក្រសួងកសាងបន្តលើមូលដ្ឋានដ៏រឹងមាំដែល សម្តេចអគ្គមហាសេនាបតីតេជោ ហ៊ុន សែន អតីត នាយករដ្ឋមន្ត្រី បានបន្សល់ទុក ហើយ សម្តេចមហាបវរធិបតីនាយករដ្ឋមន្ត្រី បានបន្តសម្រួច គោលនយោបាយអន្តរកាលថាមពលកម្ពុជាឆ្ពោះទៅអព្យាក្រឹតកាបូននៅឆ្នាំ២០៥០ មានអភិក្រមចំនួន ៤ គឺ (១) បង្កើនថាមពលស្អាត ប្រសិទ្ធភាពថាមពល និងភាពគ្រប់គ្រាន់ (២) រក្សាថ្លៃសមរម្យស្របតាមថ្លៃនៃធាតុ ចូលក្នុងការផលិត បញ្ជូន និងចែកចាយថាមពល (៣) បង្កើនស្ថិរភាពនិងគុណភាពនៃការផ្គត់ផ្គង់ និងធ្វើ ទំនើបកម្មការផ្តល់សេវា (៤) បង្កើនការផ្គត់ផ្គង់ប្រកបដោយសមធម៌រវាងតំបន់ទីក្រុង និងជនបទ។ ក្រសួង នឹងយកភាពជោគជ័យនៃការអនុវត្តអភិក្រមទាំង ៤ នេះទៅបម្រើវិស័យផ្សេងៗ និងទាក់ទាញបង្កើន ភាពប្រកួតប្រជែងឱ្យសេដ្ឋកិច្ចកម្ពុជា បន្ថែមពីនោះតាមរយៈវិស័យថាមពល ក្រសួងក៏បានចូលរួមលើក កម្ពស់សមភាពយេនឌ័រផងដែរ"។

សម្តេចធិបតី ហ៊ុន ម៉ាណែត បានថ្លែងថា "វិស័យថ្មអារ ប្រែពីជិតដួលរលំ ក្លាយជារីកចំរើន បន្ទាប់ពីសម្តេចបានដោហស្រាយបញ្ហា"។ នេះជាការថ្លែងរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ក្នុងឱកាសអញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារឆ្នាំ២០២៣ និងឆ្នាំ២០២៤ និងលើកទិសដៅឆ្នាំ ២០២៥ របស់ក្រសួងរ៉ែ និងថាមពល នារសៀលថ្ងៃទី ២១ ខែវិច្ឆិកា ឆ្នាំ២០២៤នេះ។

សម្តេចធិបតី ហ៊ុន ម៉ាណែត បានរំលឹកថា វិស័យថ្មអារនេះជាវិស័យមួយដែលស្ទើរតែដួលទៅហើយ តែនៅពេលសម្តេចកាន់ដំណែងបានប្រមាណ១ខែ ពេលសម្តេចអញ្ជើញទៅកាន់ទីក្រុងណាននីង ក្នុងពិធីពីព័ណ បានឃើញស្តង់កម្ពុជាមួយបានតាំងវិស័យថ្មអារនេះ ពេលនោះមានប្អូនស្រីម្នាក់ខ្សឹបប្រាប់ថា វិស័យនេះជិតដួលហើយសម្តេច ព្រោះពន្ធអាករផ្សេងៗ ។ បន្ទាប់ពីបានដំណឹងនេះសម្តេចបានឲ្យមន្រ្តីស្ថាប័នពាក់ព័ន្ធដោះបញ្ហានេះ។

សម្ដេចធិបតី ហ៊ុន ម៉ាណែត នាយករដ្ឋមន្រ្ដី កោតសរសើរ ការងារក្រសួងរ៉ែ និងថាមពលរយៈពេលជាងមួយឆ្នាំកន្លងទៅនេះ គឺបានជួយឱ្យវិស័យថ្មអាររបស់កម្ពុជាមានការងើបឡើងវិញរហូតមានសម្ទុះកើងឡើងដល់ជាង៤%។

សម្ដេចធិបតី ហ៊ុន ម៉ាណែត បានបញ្ជាក់ថា "នៅពេលដែលសម្ដេចចូលនិវត្ត សម្ដេចអាចនឹងសរសេរសៀវភៅ ពាក់ព័ន្ធនឹងការចូលរួមដោះស្រាយលើបញ្ហាវិស័យថ្មអារនៅកម្ពុជាក្នុងពេលសម្ដេចកាន់តំណែងជានាយករដ្ឋមន្រ្ដី ដើម្បីជាគំរូសំរាប់ដោះលើវិស័យយនានាផ្សេងៗ៕

ពិធីនេះបានបញ្ចប់នៅថ្ងៃខែឆ្នាំដដែល វេលាម៉ោង ៤៖៤៩នាទី ល្ងាច ក្នុងបរិយាកាសរីករាយ។

————

ព័ត៌មានបន្ថែម សូមទំនាក់ទំនងមកតាមរយៈ [email protected].

#gpsfcambodia #pswg #gpswg #cambodiachamberofcommerce #សភាពាណិជ្ជកម្មកម្ពុជា #ccc