នាព្រឹកថ្ងៃពុធ ៦ កើត ខែកត្តិក ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៦ ខែវិច្ឆិកា ឆ្នាំ២០២៤ ឧកញ៉ា បណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា តំណាង​អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និង ជា​ប្រធាន​ក្រុមប្រឹក្សា​ពិគ្រោះ​យោបល់​ធុរកិច្ចអាស៊ានសម្រាប់កម្ពុជា អញ្ជើញ​ចូលរួម​កិច្ចប្រជុំ​អន្ដរ​ក្រសួង​ដើម្បី​ត្រៀម​រៀបចំវេទិកាពាណិជ្ជកម្ម និងវិនិយោគរវាងកម្ពុជានិងចក្រភពអង់គ្លេសលើកទី២ (2nd JTIIF)។

កិច្ចប្រជុំនេះ ធ្វើឡើងដើម្បីផ្សព្វផ្សាយ ពីបច្ចុប្បន្នភាពការងារ និង​ពិភាក្សា​អំពីសំណើ​របស់​ធុរជនអង់គ្លេស ប្រមូលធាតុចូល​ពីបណ្ដា​ក្រសួងពាក់ព័ន្ធ​លើប្រធាន​បទពន្ធដារ ទីផ្សារមូលបត្របំណុល ទិដ្ឋាការសម្រាប់​វិនិយោគិន និងធុរជនបរទេស ការដាក់អនុវត្តន៍ច្បាប់ ដោយមេធាវីបរទេសនៅកម្ពុជា យន្តការ​កំណត់ទម្រង់ឥណទាន និងកម្រិតអាយុស្របច្បាប់ក្នុងការជាវសារជាតិអាកុល។