រាជធានីភ្នំពេញ៖ នាល្ងាចថ្ងៃព្រហស្បតិ៍ ៧ រោច ខែអស្សុជ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ២៤ ខែតុលា ឆ្នាំ២០២៤ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា តំណាងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានអញ្ជើញចូលរួម កម្មវិធី "មាគ៌ាទៅកាន់អនាគតឌីជីថល៖ កាលានុវត្តភាព នវានុវត្តន៍ និងការរីកចម្រើន" ដែលរៀបចំដោយ សភាពាណិជ្ជកម្មឥណ្ឌានៅកម្ពុជា ក្នុងគោលបំណងជំរុញទំនាក់ទំនងរឹងមាំរវាងសហគមន៍ធុរកិច្ចឥណ្ឌា និង កម្ពុជា ក៏ដូចជា សម្របសម្រួលកិច្ចសហប្រតិបត្តិការ ការរីកចម្រើន និង ជោគជ័យរួមគ្នា។