កិច្ចប្រជុំក្រុមការងារ ក្រុម “ឆ” “ផ្នែកកផលិតកម្មកែច្នៃសម្រាប់ការនាំចេញ និងកិច្ចសម្រួលពាណិជ្ជកម្ម” នៃវេទិការាជរដ្ឋាភិបាល-ផ្នែកឯកជន

Dialogue working group meeting, group "G" "Export Promotion and Trade Facilitation" of Government-Private Sector Forum (G-PSF).

———

នៅព្រឹកថ្ងៃច័ន្ទ ០៩រោច ខែអាសាឍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៩ ខែកក្កដា ឆ្នាំ២០២៤ វេលាម៉ោង ៨:៣០នាទីព្រឹក នៅទីស្តីការក្រសួងពាណិជ្ជកម្ម មានរៀបចំកិច្ចប្រជុំក្រុមការងារ ក្រុម “ឆ” “ផ្នែកកផលិតកម្មកែច្នៃសម្រាប់ការនាំចេញ និងកិច្ចសម្រួលពាណិជ្ជកម្ម” នៃវេទិការាជរដ្ឋាភិបាល-ផ្នែកឯកជន ក្រោមអធិបតីភាពសហប្រធានក្រុមការងារទាំងពីរគឺ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាសហប្រធានក្រុមការងារ "ឆ" តំណាងផ្នែករដ្ឋាភិបាល និង ឧកញ៉ា សុខ ពិសិដ្ឋ អនុប្រធានសភាពាណិជ្ជកម្មកម្ពុជា និងជាអនុសហប្រធានទី១ ក្រុមការងារ “ឆ” តំណាង ឧកញ៉ា គួច ផេង អនុប្រធានសភាពាណិជ្ជកម្មកម្ពុជា និងជាសហប្រធានក្រុមការងារ “ឆ” តំណាងផ្នែកឯកជន។ កិច្ចប្រជុំនេះក៏មានការចូលរួមផងដែរពីសំណាក់ តំណាងតំណាងក្រសួង ស្ថាប័នពាក់ព័ន្ធដូចមានកំណត់ក្នុងសេចក្តីសម្រេច​របស់រាជរដ្ឋាភិបាល, តំណាងសមាជិក សមាជិកាសភាពាណិជ្ជកម្មកម្ពុជា, តំណាងសមាគម ក្រុមហ៊ុនឯកជនដែលពាក់ព័ន្ធក្នុងវិស័យនេះ និងអ្នកពាក់ព័ន្ធជាច្រើនទៀតផងដែរ។