កិច្ចប្រជុំក្រុមការងារបច្ចេកទេសទី១ “ផ្នែកគយ-ឧស្សាហកម្មបម្រើការនាំចេញវិស័យកាត់ដេរ” នៃយន្តការភាពជាដៃគូគយ-ផ្នែកឯកជន.
17 Jul, 2024 15:09 PM | 1 month ago
![កិច្ចប្រជុំក្រុមការងារបច្ចេកទេសទី១ “ផ្នែកគយ-ឧស្សាហកម្មបម្រើការនាំចេញវិស័យកាត់ដេរ” នៃយន្តការភាពជាដៃគូគយ-ផ្នែកឯកជន.](https://cccbic.org/news/297-news.jpg)
![](/storage/photos/1660/451581916_895389952629455_6406289485297259304_n.jpg)
![](/storage/photos/1660/451623581_895390489296068_2190813257331273484_n.jpg)
![](/storage/photos/1660/451605680_895390589296058_8009054996959723038_n.jpg)
![](/storage/photos/1660/451599720_895390175962766_7181076841338314612_n.jpg)
![](/storage/photos/1660/451811442_895390235962760_8537605023722474285_n.jpg)
![](/storage/photos/1660/451431766_895390572629393_5717910806531929559_n.jpg)
![](/storage/photos/1660/451375921_895390245962759_6989991699653105761_n.jpg)
![](/storage/photos/1660/451430426_895390095962774_3633752616781617001_n.jpg)
![](/storage/photos/1660/450511135_895389965962787_6072240858247713992_n.jpg)
![](/storage/photos/1660/451579626_895390612629389_3339574330209731343_n.jpg)
![](/storage/photos/1660/451127474_895390625962721_5956471694757013414_n.jpg)
កិច្ចប្រជុំក្រុមការងារបច្ចេកទេសទី១ “ផ្នែកគយ-ឧស្សាហកម្មបម្រើការនាំចេញវិស័យកាត់ដេរ” នៃយន្តការភាពជាដៃគូគយ-ផ្នែកឯកជន.
Dialogue partnership meeting of 1st technical working group “Customs-Garment Industry Export Processing” under “Customs-Private Partnership Mechanism (CPPM)”
———
នៅថ្ងៃអង្គារ ១១កើត ខែអាសាឍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៦ ខែកក្កដា ឆ្នាំ២០២៤ វេលាម៉ោង ២:០០នាទីរសៀល នៅអគ្គនាយកដ្ឋានសភាពាណិជ្ជកម្មកម្ពុជា មានរៀបចំកិច្ចប្រជុំក្រុមការងារបច្ចេកទេសទី១ “ផ្នែកគយ-ឧស្សាហកម្មបម្រើការនាំចេញវិស័យកាត់ដេរ” នៃយន្តការភាពជាដៃគូគយ-ផ្នែកឯកជន ក្រោមអធិបតីភាព ឧកញ៉ាបណ្ឌិត ស៊ិន ចន្ធី សហប្រធានក្រុមការងារបច្ចេកទេសទី១ តំណាងផ្នែកឯកជន។ កិច្ចប្រជុំនេះក៏មានការចូលរួមផងដែរពីសំណាក់តំណាងសមាគមភស្តុភារកម្មកម្ពុជា, តំណាងសមាគម TAFTAC, តំណាងសមាគមឧស្សាហកម្មយានយន្តកម្ពុជា, តំណាងសមាគមស្បែកជើងកម្ពុជា, តំណាងក្រុមហ៊ុននាំចេញ នាំចូលផ្នែកឯកជន និងអ្នកពាក់ព័ន្ធជាច្រើនទៀតផងដែរ។
គោលបំណងនៃកិច្ចប្រជុំនេះគឺដើម្បីដំណើរការពិនិត្យ ពិគ្រោះ និងប្រមូលបញ្ហាប្រឈមរបស់ផ្នែកឯកជនពាក់ព័ន្ធនឹងការអនុវត្តនីតិវិធីគយក្នុងការនាំចេញវិស័យកាត់ដេរ។ កិច្ចប្រជុំក៏មានការធ្វើបទបង្ហាញស្តីពីសាវតារបស់ក្រុមការងារបច្ចេកទេសនៃយន្តការភាពជាដៃគូគយ-ផ្នែកឯកជន ក៏ដូចជាបញ្ហាប្រឈមរបស់ផ្នែកឯកជនដែលត្រូវបានដោះស្រាយក្នុងកិច្ចប្រជុំនៃយន្តការភាពជាដៃគូលើកទី៩ កាលពីពេលកន្លងទៅដែលរួមមាន៖ ១. កំរ៉ៃសេវាបញ្ចេញទំនិញពីគយសម្រាប់ទំនិញដែលមានតម្លៃក្រោម ៨០០ដុល្លាសហរដ្ឋអាមេរិក ២. សំណើរសុំអន្តរាគមន៍ការបញ្ឈប់ការសាងទំនិញនៅចំណុចសូន្យ និង៣. ការធ្វើសាមញ្ញកម្មនៃការស្នើសុំជា Best Trader និង AEO។ ទន្ទឹមនឹងនេះកិច្ចប្រជុំក៏បន្តប្រមូលបញ្ហាប្រឈមថ្មីៗរបស់ផ្នែកឯកជនពាក់ព័ន្ធនឹងវិស័យនេះបានមួយចំនួនបន្ថែមផងដែរ។
កិច្ចប្រជុំនេះបានបញ្ចប់នៅថ្ងៃខែឆ្នាំដដែល វេលាម៉ោង ៤:០០នាទីរសៀល ក្នុងបរិយាកាសរីករាយ និងយោគយល់គ្នា។
————
ព័ត៌មានបន្ថែម សូមទំនាក់ទំនងមកតាមរយៈ [email protected]
![Post details 1](https://cccbic.org/ads-banner/banner-1724050901.jpg)