ពិធីប្រគល់ និងទទួលជាផ្លូវការម៉ាស៊ីន និងឧបករណ៍ពិសោធន៍ជាជំនួយរបស់រដ្ឋាភិបាលជប៉ុន
01 Jul, 2024 11:09 AM | 2 months ago
![ពិធីប្រគល់ និងទទួលជាផ្លូវការម៉ាស៊ីន និងឧបករណ៍ពិសោធន៍ជាជំនួយរបស់រដ្ឋាភិបាលជប៉ុន](https://cccbic.org/news/260-news.jpg)
![](/storage/photos/1660/449013453_882504363918014_9161345697352686546_n.jpg)
![](/storage/photos/1660/449055573_882504603917990_5948084158157613338_n.jpg)
![](/storage/photos/1660/449331516_882504640584653_5580785367068205404_n.jpg)
![](/storage/photos/1660/449261597_882504473918003_5537334146869145533_n.jpg)
![](/storage/photos/1660/449339961_882504917251292_2995281407857077364_n.jpg)
![](/storage/photos/1660/448999495_882504803917970_669922359972226040_n.jpg)
![](/storage/photos/1660/449302392_882504850584632_912776430642562109_n.jpg)
ពិធីប្រគល់ និងទទួលជាផ្លូវការម៉ាស៊ីន និងឧបករណ៍ពិសោធន៍ជាជំនួយរបស់រដ្ឋាភិបាលជប៉ុន
Official ceremony handover of Machines and Laboratory Equipments
————
នៅថ្ងៃព្រហស្បតិ៍ ០៦រោច ខែជេស្ឋ ឆ្នាំរោច ឆស័ក ព.ស ២៥៦៨ ត្រូវនឹងថ្ងៃទី២៧ ខែមិថុនា ឆ្នាំ២០២៤ វេលាម៉ោង ០២:៣០នាទីរសៀល នៅក្រសួងរៀបចំដែនដី នគរូបនីយកម្ម និងសំណង់, អ្នកឧកញ៉ា ឡាវ កាង អនុប្រធានសភាពាណិជ្ជកម្មកម្ពុជា តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានអញ្ជើញចូលរួមក្នុងពិធីប្រគល់ និងទទួលជាផ្លូវការម៉ាស៊ីន និងឧបករណ៍ពិសោធន៍ជាជំនួយរបស់រដ្ឋាភិបាលជប៉ុន ក្រោមអធិបតីភាព ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និង ឯកឧត្តម Rsuge Yoshifumi អនុរដ្ឋមន្ត្រីការបរទេសជប៉ុន។ កម្មវិធីនេះក៏មានការចូលរួមផងដែរពីសំណាក់មន្ត្រីពាក់ព័ន្ធនៃក្រសួងរៀបចំដែនដី នគរូបនីយកម្ម និងសំណង់, មន្ត្រីនៃរ្ដដ្ឋាភិបាលជប៉ុន, តំណាងសមាគមអ្នកអភិវឌ្ឍន៍លំនៅដ្ឋានកម្ពុជា, គណៈវិស្វករកម្ពុជា, តំណាងសមាគមអ្នកសាងសង់កម្ពុជា និងអ្នកពាក់ព័ន្ធជាច្រើនទៀតផងដែរ។។
ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលប្រទេសជប៉ុន ដែលបានផ្តល់ជាជំនួយចំពោះឧបករណ៍ពិសោធន៍សំណង់ដល់ប្រទេសកម្ពុជា និងបានបេជ្ញាចិត្តក្នុងធ្វើយ៉ាងណាប្រើប្រាស់ឱ្យអស់លទ្ធភាព និងទទួលបានប្រសិទ្ធិភាពដើម្បីបម្រើឱ្យគុណភាពសំណង់ក្នុងប្រទេសកម្ពុជាកាន់តែល្អប្រសើរ និងមានស្តង់ដារបន្ថែមទៀត។
ពិធីនេះបានបញ្ចប់នៅថ្ងៃខែឆ្នាំដដែល វេលាម៉ោង ០៥:០០ នាទីល្ងាច ក្នុងបរិយាកាសរីករាយ និងយោគយល់គ្នា។
ព័ត៌មានបន្ថែម សូមទំនាក់ទំនងមកតាមរយៈ [email protected]
![Post details 1](https://cccbic.org/ads-banner/banner-1724050901.jpg)