(ទីក្រុងហូជីមិញ) នាព្រឹកថ្ងៃទី ១៣ ខែមិថុនា ឆ្នាំ២០២៤ តបតាមការអញ្ជើញរបស់អ្នករៀបចំកម្មវិធី គណៈប្រតិភូសភាពាណិជ្ជកម្មកម្ពុជាបានចូលរួមជាភ្ញៀងកិត្តិយសក្នុងពិព័រណ៌ Vietnam Intelligent Building Technology និង Home Show 2024 ដែលនឹងប្រព្រឹត្តិទៅចាប់ពីថ្ងៃទី ១៣ - ១៥ ខែមិថុនា ឆ្នាំ២០២៤ នៅមជ្ឈមណ្ឌលតាំងពិព័រណ៌ និងសន្និបាទ Saigon នៅទីក្រុងហូជីមិញនៃសាធារណរដ្ឋសង្គមនិយមវៀតណាម។

ទន្ទឹមនឹងនេះផងដែរ គណៈប្រតិភូក៏បានទទួលជួបបណ្តាក្រុមហ៊ុនទៅតាមវិស័យរបស់ខ្លួនជាច្រើនផងដែរ។ គណៈប្រតិភូទទួលបានការស្វាគមន៍យ៉ាងកក់ក្តៅ និងបានជួបក្រុមហ៊ុននានាប្រកបដោយការពិភក្សាគ្នាយ៉ាងស្និតស្នាលនិងប្រកបដោយផ្លែផ្កាជាទីគាប់ចិត្តផងដែរ។