វគ្គបណ្តុះបណ្តាលស្តីពី “សេចក្តីផ្តើមអំពីការប្រតិបត្តិល្អក្នុងការធ្វើបទប្បញ្ញាត្តិ”

Training course on “Introduction to Good Regulatory Practice”.

——-

នៅថ្ងៃអង្គារ ០៦រោច ខែពិសាខ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៨ ខែឧសភា ឆ្នាំ២០២៤ វេលាម៉ោង ០៩:០០នាទីព្រឹក នៅទីស្តីការគណៈរដ្ឋមន្ត្រី, ឧកញ៉ា គួច ផេង អនុប្រធានសភាពាណិជ្ជកម្មកម្ពុជា និងជាសហប្រធានក្រុមការងារ “ឆ” ផ្នែកឯកជន តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង១៦ ផ្នែកឯកជន រួមជាមួយនឹងក្រុមការងារលេខាធិការដ្ឋានក្រុមការងារផ្នែកឯកជននៃសភាពាណិជ្ជកម្មកម្ពុជា បានអញ្ជើញចូលរួមក្នុងវគ្គបណ្តុះបណ្តាលស្តីពី “សេចក្តីផ្តើមអំពីការប្រតិបត្តិល្អក្នុងការធ្វើបទប្បញ្ញាត្តិ” ក្រោមអធិបតីភាព ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានក្រុមប្រឹក្សាអ្នកច្បាប់។ វគ្គបណ្តុះបណ្តាលនេះក៏មានការចូលរួមផងដែរពីសំណាក់ Mr. Jeremy Gross ប្រធានផ្នែកកិច្ចការ និងកសាងសមត្ថភាពប្រចាំតបន់មេគ្គងនៃវិទ្យាស្ថានសិក្សាស្រាវជ្រាវសេដ្ឋកិច្ចសម្រាប់អាស៊ាននិងអាស៊ីបូពារ (ERIA), និងវត្តមានតំណាងក្រសួង ស្ថាប័នពាក់ព័ន្ធ, ក្រុមការងារនៃវិទ្យាស្ថានសិក្សាស្រាវជ្រាវសេដ្ឋកិច្ចសម្រាប់អាស៊ាននិងអាស៊ីបូពារ, តំណាងសមាគម និងសិស្ស និសិត្សជាច្រើនទៀតផងដែរ។