រាជធានីភ្នំពេញ៖ ព្រឹកថ្ងៃចន្ទ ៥រោច ខែពិសាខ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៧ ខែឧសភា ឆ្នាំ២០២៤ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជានិងជាប្រធានក្រុមប្រឹក្សាពិគ្រោះយោបល់ធុរកិច្ច អាស៊ានសម្រាប់កម្ពុជា ទទួលជួបសម្តែងការគួរសម និងពិភាក្សាការងារជាមួយ លោក ហ្វូ ភូចុង (Fu Puzhong) អ្នកគ្រប់គ្រងទូទៅ របស់ក្រុមហ៊ុនសំណង់ទីក្រុងនិងដឹកជញ្ជូនផាន់ជីហ័រគ្រុប ដែលដឹកនាំគណៈប្រតិភូទីក្រុងផាន់ជីហ័រ​ខេត្តស៊ីឈ័ន បំពេញទស្សនកិច្ចនៅកម្ពុជា។