នៅថ្ងៃអង្គារ ១៥កើត ខែចែត្រ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៣ ខែមេសា ឆ្នាំ២០២៤ វេលាម៉ោង ០២:០០នាទីរសៀល នៅអគ្គនាយកដ្ឋានសភាពាណិជ្ជកម្មកម្ពុជា មានរៀបចំកិច្ចប្រជុំក្រុមការងារផ្នែកឯកជន ក្រុម “ឌ” “ផ្នែកសំណង់ និងអចលនទ្រព្យ” នៃវេទិការាជរដ្ឋាភិបាល-ផ្នែកឯកជន ក្រោមអធិបតីភាព ឯកឧត្តមបណ្ឌិត តាន់ មុនីវណ្ណ សហប្រធានក្រុមការងារ “ឌ” ផ្នែកឯកជន ។ កិច្ចប្រជុំនេះក៏មានការចូលរួមផងដែរពីសំណាក់ ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និងវត្តមានអនុសហប្រធានក្រុមការងារ “ឌ” ផ្នែកឯកជន, តំណាងវិនិយោគិននវានុវត្តន៍ និងអភិវឌ្ឍន៍, តំណាងសមាគមស្បែកជើងកម្ពុជា, ភ្នាក់ងារអចលនទ្រព្យផ្នែកឯកជន, ក្រុមហ៊ុនផ្នែកឯកជនពាក់ព័ន្ធនឹងវិស័យសំណង់ និងអចលនទ្រព្យ និងអ្នកពាក់ព័ន្ធជាច្រើនទៀតផងដែរ។