ថ្ងៃពុធ ២កើត ខែចេត្រ ឆ្នាំថោះ បញ្ចស័ក ព.ស.២៥៦៧ ត្រូវនឹង ថ្ងៃទី១០ ខែមេសា ឆ្នាំ២០២៤ វេលាម៉ោង ៩:៣០នាទីព្រឹក ស្ថិតនៅសណ្ឋាគារ សូហ្វីតែល ភ្នំពេញ ភូគីត្រា។

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង១៦ ផ្នែកឯកជន នៃវេទិការាជរដ្ឋាភិបាល-ផ្នែកឯកជន បានដឹកនាំសហប្រធាន និងអនុសហប្រធាននៃក្រុមការងារទាំង១៦ ផ្នែកឯកជន នឹងអនុប្រធានសភាពាណិជ្ជកមកម្ពុជាមួយចំនួនចូលរួមកម្មវិធី “ខួបទី ៣០ឆ្នាំ ការបង្កើតសមាគម ធនាគារនៅកម្ពុជា” ក្រោមប្រធានបទ "៣០ឆ្នាំ នៃការរីកចម្រើន ៣០ឆ្នាំ នៃមិត្តភាព” ក្រោមអធិបតីភាព លោកជំទាវ បណ្ឌិត ជា សិរី អគ្គទេសាភិបាល ធនាគារជាតិ នៃកម្ពុជា និង លោក រ័ត្ន សោភ័ណ ប្រធានសមាគមធនាគារនៅកម្ពុជា ក្នុងអាណត្តិថ្មី និងវត្តមានថ្នាក់ដឹកនាំសំខាន់ៗ របស់សមាគម និងធនាគារជាតិកម្ពុជា ជាពិសេស តំណាងចូលរួមពីក្រសួង-ស្ថាប័នរដ្ឋាភិបាល និងម្ចាស់ ឬតំណាង ពីធនាគារឯកជន ជាតិ-អន្តរជាតិ ដែលកំពុងធ្វើប្រតិបត្តិការនៅព្រះរាជាណាចក្រកម្ពុជា។