នៅថ្ងៃអង្គារ ០២រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៦ ខែមីនា ឆ្នាំ២០២៤ វេលាម៉ោង ០២:០០នាទីរសៀល នៅអគ្គនាយកដ្ឋានសភាពាណិជ្ជកម្មកម្ពុជា មានរៀបចំកិច្ចប្រជុំក្រុមការងារផ្នែកឯកជន ក្រុម “ខ” “ផ្នែកទេសចរណ៍” នៃវេទិការាជរដ្ឋាភិបាល-ផ្នែកឯកជន ក្រោមអធិបតីភាព ឧកញ៉ា លូ ម៉េង សហប្រធានក្រុមការងារ “ខ” ផ្នែកឯកជន។ កិច្ចប្រជុំនេះក៏មានការចូលរួមផងដែរពីសំណាក់ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និងវត្តមានអនុសហប្រធានក្រុមការងារ “ខ” ផ្នែកឯកជន, តំណាងសមាគមភោជនីយដ្ឋានកម្ពុជា, តំណាងសមាគមសណ្ឋារគារកម្ពុជា, តំណាងសមាគមសហគមន៍ចុងភៅកម្ពុជា, តំណាងសមាគមទីភ្នាក់ងារទេសចរណ៍កម្ពុជា, តំណាងសហព័ន្ធទេសចរណ៍កម្ពុជា, តំណាងក្រុមហ៊ុនអាកាសចរផ្នែកឯកជន និងសមាជិក សមាជិកានៃក្រុមការងារ “ខ” ផ្នែកឯកជនជាច្រើនទៀតផងដែរ។