នៅថ្ងៃព្រហស្បតិ៍ ១២កើត ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២១ ខែមីនា ឆ្នាំ២០២៤ វេលាម៉ោង ០២:០០នាទីរសៀល នៅអគ្គនាយកដ្ឋានសភាពាណិជ្ជកម្មកម្ពុជា មានរៀបចំកិច្ចប្រជុំក្រុមការងារផ្នែកឯកជន ក្រុម “ឋ” “ផ្នែកសុខាភិបាល” នៃវេទិការាជរដ្ឋាភិបាល-ផ្នែកឯកជន ក្រោមអធិបតីភាព ឧកញ៉ាវេជ្ជបណ្ឌិត តាន់ គីមមេង សហប្រធានក្រុមការងារ “ឋ” ផ្នែកឯកជន។ កិច្ចប្រជុំនេះក៏មានការចូលរួមផងដែរពីសំណាក់ ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និងអនុសហប្រធានក្រុមការងារ “ឋ” ផ្នែកឯកជន, តំណាងសមាគមអ្នកចែកចាយឱសថកម្ពុជា, តំណាងមន្ទីរសម្រាកព្យាបាល គ្លនីក និងក្រុមហ៊ុននាំចេញ នាំចូលផ្នែកឯកជន, និងសមាជិក សមាជិកានៃក្រុមការងារ “ឋ” ផ្នែកឯកជនជាច្រើនទៀតផងដែរ។